究食狩獵王丨樊沛珈擔正主持被保錡狂催 難忘拍攝一日九餐食到嘔

由男子組合ERROR成員吳保錡和「黑面女神」樊沛珈（Ah Gi）主持的ViuTV全新節目《究食狩獵王》，以食品科學角度拆解食物構造、烹調原理，例如植物肉、梅納反應、食物配對、飲食心理學等等，從而令大家對食物科學背後提倡的營養衛生、烹調研究、食品加工及包裝等有進一步的認識。

同場加映：流水落花︳鄭秀文人生感圓滿唔恨被嗌媽媽 陸駿光體會做天后老公有壓力

{{hket:ul-video id="7639"}}{{/hket:ul-video}}

{{hket:inline-image name="12.JPG"}}{{/hket:inline-image}}

{{hket:inline-image name="14.JPG"}}{{/hket:inline-image}}

Ah Gi在2013年曾擔任新聞網站主播，2018年參加ViuTV真人騷《廣告女皇》，及後獲邀主持《Girls' Talk》、《對不起幫緊你》、《今餐有料到》，她亦曾在「啱Channel」負責幕前演出至2022年2月，去年6月簽約MakerVille。她日前接受《晴報》訪問，對於首次擔正做主持，她坦言非常緊張，「呢個節目係喺上年9月、10月拍，當時入咗公司冇耐，就同保錡拍呢個綜藝節目，保錡不嬲都係綜藝之鬼，所以我又驚又喜，因為我唔夠佢嚟，又唔夠佢快，佢又有經驗，所以成日催我。」

ViuTV 2023節目發布會丨AK兩劇在手冠絕MIRROR唔認劇王 Edan率6膠合體開拍《膠戰3》【下一頁】

提到他們在節目中，如果落敗則要接受聞臭屁味的懲罰，保錡試過聞到反胃作嘔，Ah Gi笑說：「呢個懲罰真係好搞笑，製作組調配咗一個超級臭嘅氣味，不過唔係真係屁，但係嗰個味道真係好難聞，邊個輸咗都要聞，大家真係聞到口水鼻涕都流埋，會嘔嗰隻。」

為了拍攝，他們需要上山下海，Ah Gi表示最辛苦是飽到嘔，她說：「始終呢個節目係講food science，只係用綜藝形式去包裝，所以我哋係食咗好多嘢，因為要講佢哋嘅營養價值，但其實嗰啲嘢又未必係好美味嘅嘢食，總之就食食食，保錡嗰陣仲要差不多做ERROR個騷，大家一日食九餐，想瘦都唔係咁易。記得有一集係講黑朱古力係最有營養，但係我哋食到想嘔咁滯，好似黑洞咁難食。」

拆你個夢丨193夢見自己全裸被貓追 解夢師分析他怕與女性有性行為？【下一頁】

{{hket:inline-image name="53.jpg"}}{{/hket:inline-image}}

對於J.Arie（雷深如）為節目主題曲《Food Hunter Go!!!》作曲，保錡和Ah Gi負責主唱，Ah Gi說：「我第一次唱主題曲，當時拍拍吓節目，覺得幾熱血，保錡就話不如搵人整首有動漫feel嘅歌，於是就即刻搵J.Arie，跟住一個禮拜之內，就已經有demo聽，呢吓真係見識到行動力超快。」Ah Gi指自己的唱功，仍有很大的進步空間。拍完這個節目後，Ah Gi坦言對食物加深了認識，亦改變了飲食習慣，比以前食得更健康，「每食一樣都會諗佢嘅背後點嚟，真係會學到好多知識。」

撰文：黃曉妍

U Lifestyle App自家節目登錄《U TV》專區！

↓↓試玩、試食、試用影片任您睇↓↓

【立即體驗】